Partie de terrier daté de 1625


chambres et ung cellier soubz la dicte maison couverte de thuille creuse, ses aisances par le devant, un jardain et une fontaine en dernier, assis au village de Sainct Riran contenant l’assieste du toutage, deux livrollées de terre ou environ, tenant de soleil levé au pré de Jehan des Benoids que fust de Estienne de la Court et à la ripvière Laibant par la Gouthe de la Croix du Seul aud. Sainct Riran encore de soleil levé et de midy au cymetière dud. Sainct Riran et au chemin tendant de l’église de Sainct Riran à la maison de la confrairie dud. lieu et à Sainct Nicolas de soleil couché à la court d’une autre maison desd. Biasniers ou ils font leur demeurance, le chemin tendant de lad. église de Sainct Riran à la Croix du Seul entre deux de bise au susdict chemin,

Soubz le cens et servis de trois deniers tournois, monnoye du Roy, nostre Sire et d’ung raz et demy d’avoine, mesure dudict priore d’Ambierle portant lods, vends, investision et recongnoissance aux hus et coustume du pays de Roannois,

Plus, tenant du Iº article de la response dudict feu André ......... des I° dernier art(icle)s de la response de feu Michel de Combegrand, des Iº, IIº, IIIIº, VIIº et derniers articles de la response de feu Pierre Blanc, des IIIº, XXIIº, XXXº, XXXVIº et XXXVIIIº articles de la response de feu Estienne de la Court ............. et Anthoine Garrivier et par abénévis de aulcunes terres her.......... sises et comprises dans les sus dictes et du III° article de celle de Claude Benoid, tous avant ................. dudict Sainct Riran, inscripts audict terrier du priore d’Ambierle, signé G. Vialon, une maison chauffeure et fonier avec plusieurs chambres en ung bastiment couvert de paille, auquel lesd. Biasniers font de plus leur actuelle résidence, une grange et estables en dernier, la susdicte maison, une court entre deux, deux aultres granges et estables en deux bastiments aussy couverts de paille assis proche de la susdicte maison du costé de bise, ung chemin entre deux, des jardins, verchères, terres, cheneviers, prés et plusieurs terres cultivées et incultivées, le tout joingnant et attenant ensemble assis au dict Sainct Riran, contenant en pré, quatre ouvrées et demie et en l’enclos des dicts bastiments, jardins, verchères, terres cultivées et incultivées quinze sistérées ou environ, tenant de soleil levé à la ripvière de la Croix du Seul à l’église de Sainct Riran de midy et de soleil levé au chemin tendant de l’eglise de Sainct Riran à la Croix du Seul et à la maison première confinée, le sus dict chemin entre deux encore de midy au chemin tendant de la dicte église de Sainct Riran aux boys commung et à Saint Nicolas, jusque au Riz de Fuzetier encore de midy aux terres des grippes et aux boys et terres de Maison Aulte, desd. Biasniers, le Riz de Fuzetier entre deux et soleil couché, les terres de Maison Aulthes desd. Biasniers et au chemin tendant de la place des Vernay aux maisons des Garriviers de bise, les terres de Jehan Robin qui furent desdicts Garriviers et au bois, terre et pré de Blanchier desd. Biasniers, sy apres confinés de long en long jusques à la dicte ripvière coulant de la Croix du Seul à Sainct Riran.

Soubz le cens et servis pour tous les articles sy dessus réunis ensemble de dix sols tournois, monnoye du Roy, nostre Sire, vingt six raz et une couppe tierce d’avoine, mesure dudict priore, trois poulles et huict escuelles de bois, le tout de cens et servis portant lods, vends, investision et recongnoissance aux hus et coustume du pays de Roannois, avec toutte justice haulte, moyenne et basse en tous les sus dicts fonds comme devant est dict.

Plus tiennent du XIIº article de la response dudict feu Estienne de la Court, ung pré et verchère assis au dict Sainct Riran appellé la terre et pré de la Bonnette contenant en pré et verchère deux livrollées ou environ qui tiennent de soleil levé et de midy au chemin tendant de l’église de Sainct Riran à la Croix du Seul de soleil couché à la ripvière coulant de la Gouthe de lad. Croix du Seul à Sainct Riran de bise et encore ung peu de soir au pré et à la terre de Jehan Robin.

Soubz le cens et servis de trois deniers tournois et demy raz d’avoine, mesure du dict priore, portant lods, investision et recongnoissance aux hus et coustume du pays de Roannois.

Plus tiennent des IIIIº, Vº, VIº, VIIIº, XXVº, XXVIº, XXXIIIIº et XXXVº articles de la response dudict feu Estienne de la Court, ung pré et terre assis audict lieu de Sainct Riran, appellé le pré de Marinier, aultrement le Grand Pré, contenant en terre, six livrollées et en pré, dix ouvrées ou environ qui tiennent de soleil levé et de bise au chemin tendant du village des Benoids à l’église de Sainct Riran de midy, au pré et terre de Jehan de Combegrand, dict Des Benoids et de ses personniers et au pré de Benoid des Benoids encore de midy à la ripvière coullant du moulin des Benoids à Renaison et à l’aisance du moulin des dicts Benoids de soleil couché à l’aisance du moulin et au pré desd. Benoids, le chemin tendant de leur dict moulin à l’église de Sainct Riran entre deux,

Soubz le cens et servis de trois sols, huict deniers tournois, monnoye du Roy, nostre Sire et quinze raz avoine, mesure dud. priore, d’une poulle, lesdicts cens et servis portant lods comme dessus est dict.

Plus, tiennent du cinquiesme article de la response de feu Claude Benoid, inscript audict terrier, une terre size au Mex ? Gastier en dessus la maison de Jehan Robin audict Sainct Riran, contenant huict livrollées ou environ tenant de soleil levé et de midy, aux terres dud. Jehan Robin, parties dans la présente de soleil couché, la terre, court et aisances des maison et grange dud. Jehan Robin et de ses personniers de bise à une aultre terre desdicts Biasniers mouvante de la seigneurie de Pierrefitte,

Plus, tiennent dud. Vº article, une aultre terre assise au susd. t(er)ritoire, près de la Pierre Barathier, conten(ant) vingt livrollées ou environ qui tiend de soleil levé et de bise, les terres de Jehan Robin encore de bise à la terre de Benoid des Marets, dict Capitan de midy, à la terre de Jehan des Benoid à la Pierre Barathier et à la terre de Jehan Robin de soleil couché à la terre dudict Jehan Robin et à celle dud. Benoid des Marets.

Soubz le cens et servis pour lesdictes deux terres qui furent dud. feu Claude Benoid et à la descharge de son .............. de neufs deniers tournois et trois raz avoine, mesure dudict priore et portant lods comme devant est dict.

Plus, tiennent des IIº et IIIº art(icle)s de la response de feu Michel de Combegrand et du VIIIº art(icle) de feu Anthoine Benoid inscripts audict terrier, signé G. Vialon, ung pré assis audict village de Sainct Riran, appellé le pré de la Croix et auquel est la Croix des Rameaul dudict Sainct Riran, contenant icelluy deux ouvrées et demie ou environ, tenant de soleil levé au pré de Michel Forge et de son personnier qui fut dudict Anthoine Benoid de midy à la ripvière coulant des boys commung, au moulin des Benoids dudict Sainct Riran de soleil couché et de bise, au chemin tendant de l’église de Sainct Riran à Sainct Nicolas des Biefs.

Soubz le cens et servis d’ung sols tournois, monnoye du Roy, nostre Sire, de trois raz et trois couppes d’avoine, mesure dudict priore et de demie poulle, lesdicts cens et servis portant lods et vends, comme devant est dict.

Plus, tiennent du IIIIº article de la response dud. feu André Biasnier, des VIIIº et dernier article de celle de Pierre Blanc et du dixiesme article de celle de Estienne de la Court, ung pré assis audict Sainct Riran appellé le pré du peron, aultrement, le pré de la frairie, contenant deux bonnes ouvrées ou environ, tenant de soleil levé au pré de Jehan des Benoid de midy et .......... matin à la ripvière coulant des boys commungs à Sainct Riran de soleil couché, au pré de Jehan de Combegrand et de ses personniers de bise et partie de soir, au chemin tendant de Sainct Riran aux boys commungs,

Soubz le cens et servis pour le susdict pré de dix neuf deniers tournois, cinq raz et demy et thier de raz avoine, mesure dud. priore et deux thiers de poulle, portant lods, investision et recongnoissance aux hus et coustume du pays de Roannois.

Plus, tiennent des IIIº et IIIIº articles de la response dud. feu Pierre Blanc et du IX° de celle de Estienne de la Court tous inscripts audict terrier, une terre et pré assis audict territoire de Sainct Riran appellé le pré et terre de la gouthe Fuzetier et du Grippes, contenant en pré et terre dix huict livrollées ou environ qui tiennent de soleil levé au chemin tendant de l’église ou de la maison de la Frairie aux boys commung de midy, les terres des Benoids et à celle desd. Bianier, encore de midy et soir, au boys de Maison Aulthe desd. Bianier de bise, à aultres terres desd. Bianiers, le riz de la Gouthe Fuzetier entre deux,

Soubz le cens et servis de treize deniers tournois, monnoye du Roy, nostre Sire et de six raz avoine, mesure dudict priore, portant lods, vends, investision et recongnoissance aux hus et coustume du pays de Roannois.

Plus, tiennent des VIIº et IXº articles de la response de furent Estienne et Claude Benoid, inscripts audict terrier, une terre sise audict territoire de Sainct Riran en dessoubz et proche le bois de Maison Aulte desdicts Benoid, appellé la terre du grippe, contenant une sistérée de terre ou environ tenant de soleil levé à la terre de Benoid des Benoid et à celle de Michel Forge, dict des Benoids de midy, au chemin tendant de l’église de Sainct Riran au boys commung et des Abathays et aux terres des Benoid des Benoids et de Jehan des Benoids de soleil couché, au boys et terre de Maison Aulthe desdicts Benoids de bise, les terres desdicts Bianier, cy dessus proche confiné, qui furent de Pierre Blanc et Estienne de la court.

Soubz le cens et servis d’ung denier tournois en monnoye du Roy, nostre Sire et d’ung raz et demy d’avoine, mesure dudict priore d’Ambierle et portant lods co(m)me devant est dict.

Plus tiennent des XVIIIº et XXXVIIº articles de la response duict feu Estienne de la Court, inscript audict terrier, ung bois chaigne de haulte futaye assis en lad. paroisse de Sainct Riran appellé le bois de Maison Aulte contenant trois sisterées de terre ou environ tenant de soleil levé à la terre desdicts Biasniers appellé la terre de la Gouthe Fuzetier cy devant confinée, encore de soleil levé et de midy au boys de Maison Aulthes de Michel Forge dict Des Benoid, de Benoid des Benoids, Jehan des Benoids et Jehan de Combegrand et au chemin tendant de l’église de Sainct Riran aux boys commungs encore de midy et soleil couché, au pré desd. Bianiers appellé le Pré de Sampanier de soleil couché, le bois desd. Bianier qu’il tiennent de la directe du Sieur de la Chambre, en la justice dudict Seigneur prieur encore de soleil couché de long en long les terres desdicts Bianiers appellé de Maison Aulthe de bise de long en long, au riz de la Gouthe Fuzetier et est à scavoir que dans les susdicts confins est enclos une pourtion dud boys contenant huict livrollées apertenant à Benoid des Marests, dict Cappitan

Soubz le cens et servis po(ur) la pourtion du susdict boys de Maison Aulthe desd. Bianier de ung sols tournois, monnoye du Roy, nostre Sire, de quatre raz d’avoine, mesure dudict priore et huict escuelles de boys, lesdicts cens et servis portant lods comme devant est dict

Plus, tiennent du XVIº article de la response de feu Estienne de la Court et du Vº de celle de Pierre Blanc, inscript aud. terrier, une terre sise en ladicte paroisse de Sainct Riran appellé le Pré de Bourdel et de Maison Aulthe contenant quatre sisterées ou environ tenant de soleil levé au boys de Maison Aulthe desdicts Bianiers, cy devant confiné et aux terres desdicts Bianier desclarées au IIº article de leur présente response qui furent des Garriviers de midy aux boys desd. Bianiers, une partie mouvent dudict Ambierle et le surplus du Sieur de la Chambre, ung chemin entre deux de soleil couché, à la terre de Benoid des Marests, dict Cappitan qu’ils disent estre de la directe dud. Sieur de la Chambre, encore de soleil couché et de bise, au chemin tendant de la place des Vernay au village des Gariviers et est à scavoir que Benoid des Marests, dict Cappitan tient six livrollées de terre dans les confins susdicts,

Soubz le cens et servis pour la susdicte terre de quatre deniers tournois, monnoye du Roy nostre sire et de six raz et une couppe d’avoine, mesure dudict priore et portant lods comme devant est dict.

Plus, des XIº et XVIIº articles de la response dud. feu Estienne de la Court audict terrier, ung pré et t(er)re assis en lad. parroisse de Sainct Riran appellé les prés et terre de Sampanier contenant en pré une ouvrée et en t(er)re, six livrollées ou environ tenant de soleil levé et de bise au bois de Maison Aulthe desd. Bianier, de midy au chemin tendant de Sainct Riran aux bois communaulx, de soleil couché au Riz de la Grizolle de bise en aboutissant auxdicts Bianier,

Soubz le cens et servis de six deniers tournois et de trois raz avoine, mesure dudict priore et portant lods, comme devant est dict.

Plus, tiennent du XIIIº article de la response dudict feu Estienne de la Court, ung pré et pasquier, assis en ladicte parroisse au t(er)ritoire de Chaussière contenant demie ouvrée ou environ tenant de soleil levé et de midy au Puys de la Grizolle, de soleil couché à la ripvière de Chaussière, de bise aux prés et pasquiers des Benoids,

Soubz le cens et servis d’ung denier tournois monnoye du Roy, nostre Sire et d’une couppe d’avoine, dicte mesure et portant lods, co(m)me devant est dict.

Plus, tiennent des Iº et IIº articles de la response de feu Claude Ben.... , inscript audict terrier, signé Vialon, une terre et pré assis audict territoire de Chaussière contenant douze livrollées ou environ qui tiennent, de soleil levé aux prés et terre de Sampanier desd. Bianiers, de midy à la pourtion desd. terres de Chaulcière des Benoids ensemblement ? de soleil couché les terres de Chaulcière de Jehan Robin et de ses personniers de bise à une aultre terre desd. Bianiers, mouvente ainsy qu’ils disent de la directe dudict Sieur de la Chambre, ung chemin entre deux.

Soubz le cens et servis d’ung denier tournois, monnoye du Roy, nostre Sire et portant lods et vends, comme devant est dict.

Plus, tiennent des VIº et VIIº art(icle)s de la response dudict feu Claude Benoid, inscript audict terrier, signé G. Vialon, ung pré, terre et bois assis en ladicte parroisse de Sainct Riran appellés les prés, terres et boys de Blanchiers et de la Coste, contenant en pré, demie ouvrée et en terre et bois douze livrollées ou environ, tenant de soleil levé et partie de bise, à la ripvière coullant de la Gouthe de la Croix du Seul à Sainct Riran, de midy les terres desdicts Bianiers déclarées au IIº article de leur présente response et à la terre de Jehan Robin, de soleil couché aux boys de Blanchiers dudict Jehan Robin, party dans le présent de bise au riz de Blanchiers, ung chemin entre deux.

Soubz le cens et servis de trois deniers tournois et d’ung raz et une couppe d’avoine, mesure dudict priore et portant lods, comme devant est dict.

Soubz auxdicts heritages, mex ? et maisons, leurs aultres meilleurs confins sy aulcungs sont, charges des susd. debvoirs revenants en tout à vingt sols, six deniers, monnoye du Roy, nostre Sire, soixante dix huict raz ............. mesure dudict priore, .......... poulles et seize escuelles ....... bonnes et solvables ........ de rente et cens annuelle, perpetuelle, portant lods, vends, investision et recongnoissance aux hus et coustume du pays de Roannois que lesd. Thoussainct Donjon dict Bianier et Gilbert Rochon, dict Bianier, po(u)r eulx et led. Gilbert Bianier le Jeusne, leur personnier et les leurs, p(er)petuellement ont confessé debvoir et promis de payer aud. Seigneur Priore d’Ambierle ou à ses successeurs fermiers, co(m)mis ou desputés ung chacun an, perpetuellement à ung chacun jour de feste St Martin d’yver, rendus et portés aud. Ambierle les jour et terme, à peine de frais, obligeants pour ce, lesd. Bianiers, tous leurs biens et par expres les dessus dicts confins et déclares et les fruicts y provenants chacun an

Qu’ils ont soubmis, soubz les cours du Roy, nostre Sire et touttes aultres pour y estre contraincts comme de chose jugée et loyallement dehue, nobobstant mutation de tenentiers ?, perscription laps de temps ou aultres droicts ad ce contraire .............................. dicts recongnoissance ont renoncé et renonce................

Faicts et passés audict Ambierle, avant midy le neufviesme jour de juing mil six cens vingt cinq, en l’ét(ude) maistre Jacques Bernard, praticien de la ville de Sainct Haon et André Duvergier, clerc du bourg de Changy, tesmoings qui ont signé en la minutte de ceste avecq moy notaire royal soubsigné et non lesdicts recongnoissants pour ne scavoir enquis.

Signé : Duvergier