Paschal Vachier dict Baronnie à son nom et de Claude Baronnye, son personnier laboureur paroisse de Sainct Riran, de son gré confessé pour luy et sond. personnier sont justiciables levant et couchant en la juridiction de ................. ............. de Messire Geoffroy Dumayne, seigneur d’Ambierle à cause de la vente à luy faicte par Messire Jehan de Damas de la seigneurie dud. Sainct Riran et tenir dud. Sieur Dumayne en son prime nom à raison de lad. seigneurie, absent, le notaire royal pour luy présent et acceptant les fonds et héritages cy appres confinés en touttes justices censives et directes seigneuries,

Premièrement, pour le premier article de la response de Jehan Baronnye, escripte au terrier de lad. seigneurie, signé Merlin, ung pré et terre situé en lad. paroisse, territoire de Nizier autrement pourvu de bois ................. contenant en pré deulx oeuvrées et en terre douze livrorées ou environ, jouxte le chemin de la Pierre de Fayan à l’esglise dud. Sainct Riran de mattin, le pré et terre dudit confessant et consorts de ceste censive qui fut d’Anthoine Pisey de soir et le pré et terre dud. confessant et consorts aussy de ceste censive des aultres parties,

Soubs le cens de vingt deniers viennois et deulx raz avoine, mesure de Sainct Bonet avec directe seigneurie portant laouds vends, investision et recognoissance aux us et coustume du pays de Roannois avec courvée et manoeuvre.

Plus le deulxiesme article de lad. response ung tenement appellé de la Brosse, concistant en pré, terre et bois contenant en tout douze sesterées ou environ, jouxte le chemin tandant de lad. esglise de Sainct Riran à Sainct Nicolas de bise, de mattin et midy, les terres et bois dud. confessant et consorts qui fust des Neyrard de soir, le bois et terre des Neyrard et des Donjons mouvant comme il dit du creux de Marsigny aussy de soir et midy, le boys dud. confessant et consorts, par eulx naguère abenevisé dud. seigneur aussy de midy et soir, la rivière dessandant de Ribaudine aud. Sainct Riran de bise, la terre que fut d’Estienne Neyrad du Creux dud. Marsigny aussy de bise, dans lesquels confins est enclavé ung pré que fut de Fuzet appertenant à Jehan Biannier,

Le p(rése)nt article soubs le cens de douze sols tournois valant quinze deniers pièce, deulx livres soille, vingt quatre raz d’avoyne, mesure dud. Sainct Riran et deulx gelines avec directe seigneurie, charroy et manoeuvre comme dessus.

Plus pour le troisiesme article de lad. response ung tenement appellé de Pierre Martin situé en lad. paroisse auxquels sont dessus leur maison et grange, jouxte le chemin tandant de lad. Piere du Fayan à la Font Sanglantay de mattin, aultre chemin tandant de lad. Font Sanglantay aud. Sainct Nicolas de bise et soir, la terre du confessant et consorts qui fut de Neyrard aussy de soir ...... dud. confessant et consorts qui fut dud. Thomas Finaud dict Tachon de ceste censive et la dud. confessant et (con)sorts de midy,

Plus pour le quatriesme article de lad. response, ung pré contenant deulx oeuvrées situé au terroir de Raquinière, jouxte led. chemin de lad. Pierre du Fayan à lad. Font Sanglantay de mattin, le pré sus en premier leurs confins de midy, le pré dud. confessant et consorts qui fut dud. Neyrard, ung real entre deux de bise et le pré des do(n)jons qui fut dud. Neyrard cy devant posseddé par Claude Desroches de ceste censive de soir,

Plus, en renouvellant le contract de transaction passé entre lesd. Seig(neu)r Damas, Anthoine Vachier, Claude Des Benoists, Claude Tachon et consorts, l’onziesme juillet mil cinq cens soixante dix neuf, receu et signé Berluvier et ........... et le contract de bénévis passé par led. seig(neu)r Dumayne aud Paschal Baronnyer dict Vachier le cinquiesme janvier mil six cens receu par feu M° Pierre de la Grye

Et en renouvellant le dernier article de la response de Jehan Baronnyer confesse tenir dud. seigneur Dumayne ung pré conten(ant) trois oeuvrées et ung bois conten(ant) dixhuict sesterées et quatre livrorées situé au terroir de Ribaudine, jouxte les bois et pré dud. confessant et (con)sorts, la Rivière Noire entre deulx de mattin, le chemin appellé de Ribaudine, tendant de la Font appellée des Verriers autrement de l’eau parties à la Prayan dud. Ribaudine de midy, dans lequel chemin il y a heu huict ou neuf pierres , en chemin desquels a esté tugravé croix pour conserver led. chemin et limite en son entier, le pré desd. confessant et (con)sorts de soir et le boys dud. seigneur de bise duquel costé de bise il y a certaines bornes limitant les bois dud. seign(eur) et les fonds y confinés,

Soubs le cens, scavoir pour les trois derniers articles de la respon(se) dud. Baronnyer de trois sols tournois vallants quinze deniers pièce, quatre raz avoyne, mesure dud. Sainct Bonet et deulx tiers de geline,

Et pour lad. transaction passée avec led. seigneur Damas d’ung raz d’avoyne, mesure de Sainct Haon et pour le bénévis passé par led. seigneur Dumayne de neuf sols, vallant douze deniers pièce et huict raz deulx coppes avoyne mesure d’Ambierle avec directe seigneurie comme dessus,

Plus pour le neufviesme article de la response dud. Anthoine Neyrard, une terre située aud. terroir de la Brosse vallant douze livrorées ou environ, jouxte le chemin tendant de Sainct Nicolas des Biefs à Sainct Riran de midy, la terre desd. confessants qui fust des Neyrard mouvant de Marsigny de soir et la terre des confessants sus confinée de midy et bise

Soubs le cens de vingt deux deniers viennois et ung raz avoyne, mesure Sainct Bonet avec directe seigneuriaux comme dessus,

Plus, pour les sixiesme et dixiesme article de la response dudict Neyrard et pour le cinquiesme de la response d’Anthoine Pisey, ung pré et terre appellé le pré Gonin au terroir de Nizier et du pré Theurion ? contenant en pré, deux oeuvrées et en terres, vingt livrorées ou environ, jouxte le chemin tandant de la Pierre du Fayan à la Font Sanglantay de mattin, la terre desd. confessants de bise, mouvant comme il est dit de Marsigny et le pré desd. confessants, appellé pré Theurion ? sus confiné, ung real entre deux de midy et le pré et terre de desd. Donjon, aussy de midy et soir,

Soubs le cens et servis de quatre sols ung denier et vallant demy coppe quarte avoyne, trois raz, demy coppes terre, mesure de Saint Haon avec directe seigneurie,

Plus, pour partye du septiesme article de la response de Guillaume Finaud dict Tattier en deschargeant Claude Tournaire, une terre située au terroir de Brattière contenant vingt livrorées, jouxte la terre d’André Donjon et consorts que fut de Neyrard et des communs des Finaud et dud. tenement de la Brattière de ceste censive de mattin, la terre de Benoist Tachon, divisée dans la pr(esen)te de midy, la terre dud. Tournaire, divisée d’avec la pr(esen)te de soir et la terre desd. Donjon de ceste censive, ung chemin entre deulx tendant de l’eau partie au Treyne de Racquinière de bise,

Soubs le cens d’une coppe soille et deulx raz avoyne mesure de Sainct Haon et ung tiers de geline avecq directe seigneurie comme dessus,

Plus, pour partye du premier article de la response d’Anthoine Neyrard, une terre et pré touchable située au Plan de Racquinière contenant un pré une oeuvrée et une terre une sesterée ou environ, jouxte la terre dud. André Donjon et consorts de ceste censive de mattin, la terre desd. Donjon, partye d’avec la pr(esen)te de midy et soir, le pré desd. Donjon aussy de soir, le pré dud. confessant, le real entre deulx de bise, le pré et terre dud. confessant, appellé Theurion de ceste censive aussy de mattin et bise,

Plus, pour partye du troisiesme article de lad. response , une terre située aud. terroir, contenant une sesterée ou environ, jouxte la terre et pré desd. Donjon de mattin, bise et soir et le chemin tendant du Treyne de Racquinière à l’eau partye de midy,

Lesd. deux articles, soubs le cens de deulx sols, six deniers environ avoyne, deux raz soille une coppe mesure Sainct Haon geline ung quart avecq directe seigneurie comme dessus,

Plus, pour le neufviesme article de la response dud. Thomas Finaud, ung jardin chenevier et terre situé au terroir de la Font des Martinière contenant six livrorées de terre ou environ, jouxte le chemin tendant de la Pierre du Fayan à la Font de Sanglantay de mattin, le jardin et maison desd. confessant de ceste censive et c(omme) dessus( con)finé de bise et les terres desd. (con)fessant et lad. font de Martinière de midy et soir,

Soubs le cens et servis de six deniers viennois, une coppe froment et une coppe avoyne mesure dud. Sainct Haon avec directe seigneurie comme dessus,

Plus, pour partye du septiesme article de la response de Guillaume Finaud, dict Vachier, une terre (con)tenant huict livrorées située au terroir de Nizier, jouxte les terres dud. Tachon et consorts de mattin, midy et bise et le chemin tandant de lad. Pierre du Fayand à lad. Font Sanglantay de bise,

Soubs le cens et servis de six denier viennois, une coppe froment et une coppe avoyne mesure dud. Sainct Haon, avecq directe seigneurie comme dessus,

Lesquels cens et servis led. (con)fessant esd. nom, promet payer par foy et serment et soubs obligation de ses biens et de sond. personnier et expresse ypothèque des fonds sus confinés et des fruicts d’iceulx aud. seigneur Dumayne et es siens à chacune feste de Sainct Martin d’hiver et lesd. laouds, vends et recognoissance quand le cas y adviendra aux us et coustume du pays de Roannais et de la jurisdiction dud. Sainct Riran avec courvée et manoeuvre et à la forme du contract de transaction passé entre led. seigneur Damas et les subjects dud. Sainct Riran, par devant le notaire royal soubsigné le vingtiesme jour du moys de may mil cinq cens quatre vingt huict, lesquelles courvées et manoeuvre auparavant lad. transaction, suyvant le preceddant terrier estoyent à la volonté dud. seigneur,

Et pour l’observat(ion) de ce que dessus led. confesant esd. nommé s’est soubmis à touttes cours royalle et ordinaire de Forests Roannais dud. Sainct Riran et autrement et renon(çant) à tous droicts ou (con)traires,

Faict à St-Haon, maison dudict notaire royal soubsigné le troisiesme janvier mil six cens cinq appres midy, pr(sen)ts Mr Claude Bouchan, greffier dud. Sainct Haon, Benoist Tachon et Claude Framon, laboureur dud. Sainct Riran, tesmoings desquels led Bouchan a signé à la notte des pr(esen)tes et non led. (con)fessant ny autres tesmoings pour ne scavoir de ce enquis

Signé : De Martinière

Le devant nommé Pascal Vachier dict Baronnyer, de son gré tant en son nom que de Claude Baronnyer, son personnier, oultre leur preceddante response sus escript et à cause de l’acquisition par luy faicte d’Honorable Charles Rules, marchand de Sainct Haon confesse tenir en toutte justice dud. seig(neu)r Dumayne absent, le notaire royal soubs signé pour luy pr(esen)t et acceptant, asscavoir pour partye du sixiesme article de la response de Guillaume Guichardon dict Finaud, escripte au terrier dud.seigneur la douziesme partie d’ung bois appellé de la Glene, contenant en tout neuf sesterées ou environ, jouxte le chemin tandant de l’esglise dud. Sainct Riran à Sainct Nicolas de mattin et midy, le bois dudict confessant et consorts qui fut de Jehan Tien aussy de mattin, le bois dud. seigneur appellé de Nullin de bise et le bois de Benoist Tachon et consorts qu’ils tiennent de bornes dud. seigneur de soir

Soubs le cens d’une coppe avoyne, mesure de Sainct Haon avec directe seigneurie, portant laouds, vends, investision et recognoissance aux us et coustume du pays de Roannais et ce suyvant l’esgallavement faicte ce jourd’huy entre led. confessant et led. Tachon par le contract d’eschanges passé entre eulx par devant led. notaire soubsigné, plus en deschargent led. Tachon et consorts suyvant led. eschange

Et pour partye du dixiesme article de sa response sus escripte confesse tenir dud. seigneur une terre au terroir de Rolandin, jouxte la terre dudict confessant mouvant des Sieurs de Pierrefite à luy avenu par lesd. eschange de bise et les. terres dud. Tachon et consorts de mattin et midy,

Soubs le cens et servis d’une coppe avoyne et trois pintes de vin mesure de Sainct Haon avec directe seigneurie comme dessus,

Lesquels cens et servis led. confessant en son nom promet payer par ses foy et serment et soubs oblibation de ses biens et expresse ypotheque des fonds sus confinés et des fruicts d’iceulx aud. seigneur et des siens à chacune feste Sainct Martin d’hivert et lesd. laouds, vends, investision et recognoissance quand le cas y adviendra et pour ce faire s’est soubmis a touttes cour royalle et autrement et renoncé à tous droicts contraire,

Faict à Sainct Haon, maison dud. notaire le vingt quatriesme jour de mars mil six cens six.

Present Jehan Robin, Barthélemy preffol et Barthélemy Capitan, laboureurs parroisse dud. Sainct Riran, tesmoings, lesquels ny led. confessant non signé pour ne scavoir de ce enquis .

De Martinière.